Saharanpur Students Returned From Ukraine: یوکرین سے لوٹے طلبہ و طالبات کا ڈی ایم نے استقبال کیا

روس اور یوکرین میں جاری جنگ کے درمیان پھنسے ہندوستانی طلبہ واپس اپنے وطن لوٹ رہے ہیں۔ سہارنپور ضلع کے کل 87/ طلبہ و طالبات یوکرین میں پھنسے تھے جن میں اب تک 33/ طلبہ و طالبات بحفاظت اپنے گھروں کو پہنچ گئے ہیں، جن کا آج سہارنپور ڈی ایم نے گلدستے دے کر استقبال کیا۔ Students Returning From Ukraine

سہارنپور:یوکرین اور روس کے درمیان گذشتہ دس دنوں سے جنگ جاری ہے Ukraine Russia War جس کے سبب وہاں ہزاروں کی تعداد میں ہندوستانی پھنسے ہوئے ہیں، جن میں کثیر تعداد میں میڈیکل کے طلبہ و طالبات ہیں۔ ان میں جو لوگ کسی طرح یوکرین سے نکل کر سرحدوں تک پہنچے ہیں وہاں سے ہندوستانی حکومت کی جانب سے چلائے جارہے آپریشن گنگا کے تحت انہیں واپس لایا جا رہا ہے۔

یوکرین میں ضلع سہارنپور کے تقریباً87/ طلبہ وطالبات پھنسے ہوئے تھے، جن میں اب 33/ طلبہ و طالبات بحفاظت اپنے گھروں کو پہنچ گئے ہیں۔

اپنے بچوں کو محفوظ دیکھ کر ان کے خاندان میں خوشی کا ماحول ہے۔ یوکرین سے واپس لوٹے بچوں کا آج یہاں سہارنپور کے ڈی ایم اکھلیش سنگھ نے گلدستے دے کر استقبال کیا۔ اس دوران بچوں نے بھی حکومت و انتظامیہ کا شکریہ ادا کیا اور اپنی آپ بیتی سنائی۔

اس موقع پر ڈی ایم اکھلیش سنگھ نے بتایا کہ ضلع سہارنپور کے 87/ طلبہ وطالبات یوکرین میں زیر تعلیم تھے، وہاں حالات بگڑنے کے سبب حکومت و انتظامیہ کی جانب سے آپریشن گنگا چلایا جا رہا ہے، جس کے تحت سبھی بچوں کو وطن واپس لایا جا رہا ہے۔

انہوں نے بتایا کہ ضلع کے 87/ بچوں میں اب تک 33/ بچے بحفاظت طریقہ سے اپنے گھروں کو لوٹ گئے ہیں اور باقی تمام طلبہ وطالبات بھی بحفاظت بہت جلد اپنے گھروں کو واپس آجائیں گے۔