ٹاٹا کے اشتراک سے نوئیڈا میں کووڈ اسپتال کی تیاری شروع

ٹاٹا کے اشتراک سے نوئیڈا میں کووڈ ہسپتال کے تعمیراتی کام کا جائزہ لینے کے لیے آج ضلع مجسٹریٹ سوہاس ایل وائی نے جگہ کا دورہ کیا۔

ریاست اترپردیش کے ضلع نوئیڈا میں ٹاٹا کے اشتراک سے سیکٹر 125 میں نوئیڈا کووڈ اسپتال شروع ہونے جارہا ہے۔ سیکٹر 125 میں تعمیر کیے جارہے کووڈ اسپتال کی سائٹ کا معائنہ کرنے کے لیے آج ضلع آفیسر سوہس ایل وائی نے کیا۔

ضلع مجسٹریٹ نے متعلقہ حکام کو ہدایت کی ہے کہ وہ فوری طور پر کووڈ ہسپتال کی تیاری شروع کریں تاکہ کووڈ-19 پروٹوکول کے مطابق ضلع میں کورونا کے متاثرہ افراد کے علاج معالجے کی سہولت مزید بہتر طریقے سے فراہم کی جاسکے۔

ڈاکٹر دیپک اوہری کو ہدایت کی گئی ہے کہ وہ متعلقہ اسپتال کے لیے ڈاکٹروں اور پیرا میڈیکل اسٹاف کو تیار کریں واضح رہے کہ یہ کووڈ اسپتال ٹاٹا کے تعاون سے تیار کیا جارہا ہے، جس سے ضلع کے شہریوں کو کافی آسانی ہوگی۔

ضلع مجسٹریٹ کے دورے کے دوران چیف میڈیکل آفیسر ڈاکٹر دیپک اوہری، جوائنٹ ڈائریکٹر ڈاکٹر دیارام پرساد، دیگر طبی محکموں کے افسران اور ٹاٹا کمپنی کے نمائندے بھی موجود تھے۔