نوئیڈا: کورونا متاثرین کی تعداد میں کمی

گوتم بدھ نگر میں آج صرف 110 کیسیز درج ہوئے ہیں، وہیں ایک متاثرہ شخص کے مرنے کی بھی خبر ہے۔

قومی دارالحکومت دہلی سے متصل ریاست اترپردیش کے صنعتی شہر نوئیڈا میں کورونا وائرس متاثرین کی تعداد میں اب کمیاں دیکھی جا رہی ہیں، جو یقینی طور پر انتظامیہ اور عوام کے لئے بے حد خوشی کی بات ہے۔

گوتم بدھ نگر میں آج صرف 110 کیسیز درج ہوئے ہیں، وہیں ایک متاثرہ شخص کے مرنے کی بھی خبر ہے۔اس طرح مرنے والوں کی مجموعی تعداد 65 ہوگئی ہے۔

لیکن راحت کی بات یہ ہے کہ آج 264 افراد مکمل صحتیابی کے بعد گھر روانہ ہوگئے ہیں۔ اس طرح اب تک 14 ہزار 619 مریض صحت مند ہونے کے بعد ضلع کے مختلف ہسپتالوں سے ڈسچارج ہو چکے ہیں۔ لیکن اب بھی مُختلف ہسپتالوں میں 1 ہزار 229 ایکٹو مریض زیر علاج ہیں۔