گریٹر نوئیڈا ویسٹ کے بسرکھ کوتوالی علاقے میں ڈکیتی کی واردات کو انجام دینے کے ارادے سے گھوم رہے ڈاکوؤں کے ساتھ پولیس مڈبھیڑ کا معاملہ سامنے آیا ہے۔
اطلاعات کے مطابق ایک مورتی گول چکر کے قریب چیکنگ کے دوران ہوئی مڈبھیڑ میں پولیس کی فائرنگ سے ایک بدمعاش زخمی ہو گیا، جبکہ موقع سے فرار ہونے والے پانچ ڈاکوؤں کو پولیس نے کامبنگ کے دوران گرفتار کر لیا ہے۔
مجموعی چھ لٹیرے گرفتار کیے گئے ہیں۔ پولیس نے زخمی شرپسند کو علاج کے لیے ضلع اسپتال میں داخل کرایا ہے۔ پولیس نے پکڑے گئے شرپسندوں سے تین طمنچے، تین چاقو اور کارتوس سمیت ایک چوری شدہ آٹو اور ایک موٹرسائیکل بھی برآمد کی ہے۔ پولیس نے مقابلے میں زخمی ہونے والے آشو کو اور اس کے ساتھیوں امت، گورو، مزمل، سکندر اور سورج کو گرفتار کیا۔
یہ بھی پڑھیں: نوئیڈا: پولیس نے روکی سماج وادی پارٹی کی سائیکل ریلی
ایڈیشنل ڈی سی پی ایلامارن نے بتایا کہ پولیس نے گرفتار شرپسندوں سے کارتوس سمیت تین طمنچے، تین چاقو اور ایک چوری شدہ آٹو اور ایک موٹرسائیکل بھی برآمد کیا۔ شرپسندوں سے پوچھ گچھ کی جا رہی ہے۔ اس کے ساتھ ہی پکڑے گئے شرپسند عناصر کے مجرمانہ ریکارڈ کی بھی چھان بین کی جا رہی ہے۔