City Bus Service Started in Noida: سٹی بس سروس شروع، ایک بھی سواری نہیں ملی

اتر پردیش کی گریٹر نوئیڈا اتھارٹی نے یوپی روڈویز کے ساتھ مل کر سٹی بس سروس شروع کی ہے۔ جمعرات کو دادری کے ایم ایل اے تیج پال نگر، جیور کے ایم ایل اے دھیریندر سنگھ اور ایم ایل سی سری چند شرما نے روٹس پر گریٹر نوئیڈا ڈپو میں بسوں کو ہری جھنڈی دکھائی۔

نوئیڈا: پہلے دن بسوں نے ایک چکر لگایا لیکن اس دوران ایک بھی سواری نہیں ملی۔ سیکٹرز کو ملانے والے روٹ نمبر تین پر ایئر کنڈیشنڈ بسیں چلیں گی۔ گریٹر نوئیڈا اور گریٹر نوئیڈا ویسٹ میں پبلک ٹرانسپورٹ کی کمی تھی۔ اس کے پیش نظر اتھارٹی نے یوپی روڈویز کے ساتھ مل کر سٹی بس سروس کے پانچ روٹس تیار کیے ہیں۔

گاؤں اور سیکٹروں کو ان سے جوڑ دیا گیا ہے۔ ایم ایل اے دھریندر سنگھ نے کہا کہ سٹی بس سروس سے شہریوں کو راحت ملے گی۔ ایم ایل سی سری چند شرما نے اتھارٹی کے اس اقدام کی ستائش کی۔ دادری کے ایم ایل اے تیج پال نگر نے کہا کہ شہری اور دیہی علاقوں کے لوگوں کو اس سروس کا زیادہ سے زیادہ فائدہ اٹھانا چاہیے۔ سی ای او نریندر بھوشن کا کہنا ہے کہ اگر ضرورت پڑی تو مزید روٹس شروع کیے جائیں گے۔