یوپی جوڑو مہم میں عآپ کو زبردست پذیرائی: بھوپیندر جادون

عام آدمی پارٹی کے ضلع صدر بھوپندر جادون کا کہنا ہے یوپی جوڑو مہم میں عام آدمی پارٹی کو عوام کی زبردست پذیرائی حاصل ہورہی ہے۔ ساتھیوں کے جوش اور لوگوں کی محبت کو دیکھ کر واضح ہوتا ہے کہ ایک کروڑ ممبر بنانے کا ہدف زیادہ دور نہیں ہے۔

نوئیڈا: عام آدمی پارٹی کے ضلعی صدر بھوپندر جادون نے کہا کہ عام آدمی پارٹی کی یوپی جوڑو مہم پوری ریاست میں تیزی سے آگے بڑھ رہی ہے۔ ریاستی انچارج رکن پارلیمان سنجے سنگھ اور ریاستی صدر سبھاجیت سنگھ کی رہنمائی میں گوتم بودھ نگر ضلع سمیت پورے اتر پردیش میں یہ مہم پورے جوش و جذبے کے ساتھ آگے بڑھ رہی ہے۔ آٹھ جولائی کو شروع ہونے والی یہ مہم 8 اگست تک جاری رہے گی۔

یوپی جوڑو مہم میں عآپ کو زبردست پزیرائی: بھوپیندر جادون

انہوں نے کہا کہ کارکنوں کے جوش و جذبے کی وجہ سے ضلع میں یہ مہم تیزی سے جاری ہے۔ ساتھیوں کے جوش اور لوگوں کی محبت کو دیکھ کر یہ واضح ہوجاتا ہے کہ ایک کروڑ ممبر بنانے کا ہدف زیادہ دور نہیں ہے۔

پارٹی کے ریاستی صدر نے بتایا ہے کہ عام آدمی پارٹی کی یوپی جوڑو مہم نے ریاست میں سیاسی تبدیلی کی بنیاد رکھی ہے۔ پارٹی کے کنوینر اروند کیجریوال کے ترقیاتی ماڈل اور ریاستی انچارج سنجے سنگھ کی قیادت پر اعتماد کا اظہار کرتے ہوئے لوگ خود ممبر بننے کے لیے آگے آرہے ہیں۔