نوئیڈا ایکسپریس وے پر چلتی کھلی گاڑی میں خاتون کا رقص

اتر پردیش کے گریٹر نوئیڈا میں چلتی گاڑی پر ایک نوجوان لڑکی کے رقص کا ویڈیو سوشل میڈیا پر وائرل ہوا ہے۔ جس کے بعد نوئیڈا پولیس نے گاڑی کو ضبط کر لی ہے۔

اتر پردیش کے گریٹر نوئیڈا ایکسپریس وے پر چلتی کھلی گاڑی پر رقص کرنے والی ایک لڑکی کی ویڈیو سوشل میڈیا پر وائرل ہو رہی ہے۔ ویڈیو میں ایک نوجوان خاتون چلتی کھلی گاڑی میں اپنی جان کو خطرے میں ڈال کر رقص کرتی نظر آرہی ہے۔ اس گاڑی میں 3 بچے اور ایک اور خاتون بھی نظر آرہی ہیں۔

ویڈیو سوشل میڈیا پر وائرل ہونے کے بعد معاملہ کا نوٹس لیتے ہوئے ٹریفک پولیس نے گاڑی قبضے میں لے لی۔ ٹریفک پولیس نے انسپکٹر 4 کو پورے معاملے کی تحقیقات اور کارروائی کرنے کا حکم دیا ہے۔

نوئیڈا ٹریفک پولیس کا کہنا ہے کہ جو لوگ خطرناک اسٹنٹ کرتے ہیں اور ایسی حرکتیں کرتے ہیں، ان کے خلاف سخت کارروائی کی جائے گی۔

واضح رہے کہ ایک دن قبل پولیس نے مہندرا تھار اور دو جپسی کار ضبط کرلی تھیں۔ ان گاڑیوں پر گریٹر نوئیڈا ویسٹ میں خطرناک اسٹنٹ کیا جا رہا تھا۔ اس کی ویڈیو سوشل میڈیا پر وائرل ہونے کے بعد پولیس نے مقدمہ درج کرکے 3 ملزمان کو گرفتار کرلیا۔