نوئیڈا میں 3 خواتین سمیت چار کورونا مثبت مریضوں کی تصدیق

ریاست اتر پردیش کے نوئیڈا علاقے میں ہفتے کو 3 خواتین سمیت چار کورونا مثبت مریضوں کی تصدیق ہوئی ہے۔

ریاست اتر پردیش کے گوتم بدھ نگر ضلع میں کرونا نے تباہی مچا رکھی ہے۔ ہفتے کو ضلع میں 3 خواتین سمیت 4 کورونا سے متاثرہ مریضوں کی تصدیق ہو گئی ہے۔ انتظامیہ کی جانب سے جاری کردہ تفاصیل کے مطابق ہفتے کو176 افراد کے نمونوں کے نتائج سامنے آئے ہیں، جس میں مجموعی طور پر 172 منفی پائے گئے ہیں۔اس رپورٹ کے مطابق نوئیڈا کے سیکٹر 8 سے تعلق رکھنے والے 49 سالہ شخص کو کورونا سے متاثر پایا گیا ہے۔ جبکہ نوئیڈا کے سیکٹر 66 میں 22 سالہ لڑکی، سیکٹر 48 میں 39 سالہ خاتون اور گریٹر نوئیڈا ویسٹ چپیانا میں 23 سالہ خاتون کو کورنا متاثر پایا گیا ہے۔اس کے ساتھ ہی ضلع میں 4 افراد کو علاج کے بعد فارغ کر دیا گیا ہے جس میں ڈیڑھ سالہ بچی بھی شامل ہے۔