نوئیڈا: آن لائن جعلسازی کرنے والے 4 شاطر گرفتار

اس سلسلے میں فیز 3 تھانہ میں کیس بھی درج کیے گئے تھے، فی الحال پولیس تحقیقات کررہی ہے۔

دارالحکومت دہلی سے متصل نوئیڈا کے تھانہ فیز3 کی پولیس اور سائبر سیل کی مشترکہ کوششوں سے آن لائن جعلسازی کرنے والے چار ملزمان کو گرفتار کیا گیا ہے، ان کے قبضے سے 10 موبائل فونز، 5 لیپ ٹاپ، 12 ڈیبٹ کارڈز، 4 آدھار کارڈز، 3 پین کارڈز، 2 انٹرنیٹ ڈونگلز، 2 چیک بک، 2 ایپل واچ اور مجموعی طور پر 17 لاکھ 62 ہزار 700 نقد روپے بھی برآمد ہوئے ہیں۔

گرفتار کیے گئے جعلسازوں کی شناخت انکیت رامولا، آکاش بنسل اور آکاش کنسل کے طور پر ہوئی ہے اور انہیں سیکٹر 100 سے گرفتار کیا گیا ہے۔

موصولہ اطلاعات کے مطابق ملزم جعلی ویب سائٹ تیار کرتے تھے اور موبائل فون اور دیگر الیکٹرانک سامان سستے داموں میں فروخت کرکے فراڈ کرتے تھے۔ ملزمان نے نمبس کمپنی کے سرورز کو ہیک کرکے فراڈ کیا تھا۔

اس سلسلے میں فیز 3 تھانہ میں کیس بھی درج کیے گئے تھے، فی الحال پولیس تحقیقات کررہی ہے۔