چندرابابونائیڈو کا نیلور دورہ جاری ہے

آندھری پردیش کے سابق وزیر اعلیٰ اور تلگو دیشم کے سربراہ چندرابابو نائیڈو منگل کے روز ضلع نیلور کے دورہ کے دوسرے دن چھ حلقوں کے پارٹی رہنماوں اور کارکنان سے ملاقات کریں گے۔

تلگودیشم سربراہ چندرابابو نائڈو نے پیر کے روز دورہ کے پہلے دن چار حلقوں کے تلگودیشم کارکنان سے ملاقات کی اور ان کے مسائل کی سماعت کی، ہر حلقہ کے لیے انھوں نے دو دو گھنٹے سماعت کی۔
اس موقع پر تلگو دیشم کارکنان نے حکمراں جماعت وائی ایس آر کانگریس پر الزام لگایا کہ ان پر جھوٹے مقدمات لگاکر انھیں ہراساں کیا جارہا ہے۔
آج دوسرے دن کے دورہ میں وہ چھے حلقوں سے متعلقہ کارکنوں سے ملاقات کریں گے۔
آندھراپردیش میں وائی ایس آر کانگریس کے برسراقتدار آنے کے بعد سے تلگو دیشم اور وائی ایس آر کانگریس رہنماوں اور کارکنوں کے درمیان جھڑپ کے متعدد واقعات دیکھے گئے ہیں۔
اس ضمن میں چندرابابو نائیدو مختلف اضلاع کا دورہ کرتے ہوئے پارٹی کارکنان کی پریشانیوں کی سماعت کررہے ہیں۔