یادگیر: مختلف ترقیاتی کاموں کا سنگ بنیاد

رکن اسمبلی نے بلدیہ کے افسران کے ساتھ ملکر مختلف ترقیاتی کاموں کا سنگ بنیاد رکھا۔

کرناٹک کے ضلع یادگیر کے رکن اسمبلی وینکٹ ریڈی نے آج شہر میں مختلف ترقیاتی کاموں کا سنگ بنیاد رکھا۔ اس میں شاستری چوک اسٹیشن روڈ کے دونوں جانب فٹ پات اور گاندھی چوک کی دونوں سڑکوں کے کنارے دونوں جانب فٹ پات کے علاوہ گاندھی سر کل کے اطراف نئی گریل جالی لگانے جیسے کام شامل ہیں۔

اس موقع پر رکن اسمبلی نے کہا کہ گاندھی چوک علاقے میں سڑکوں کے کنارے فٹ پاتھ بنایا جائے گا اور گاندھی چوک میں موجود گاندھی مجسمے کے اطراف اکناف نئی جالی لگائی جائے گی۔

انہوں نے کہا کہ گاندھی چوک میں پارکنگ کے لیے بھی خصوصی جگہ بنائی جائے گی۔ اس موقع پر محکمہ بلدیہ کے دیگر ذمہ داران بھی موجود تھے۔