مظفرپور: چمکی بخار کا قہر جاری

ریاست بہار کے ضلع مظفر نگر کی ضلعی انتظامیہ نے کورونا بحران کے دوران بچوں کو چمکی بخار کے قہر سے بچانے کے لئے وسیع پیمانے پر بیداری مہم شروع کی ہے۔ مظفر پور انتظامیہ نے 'چمکی کو دھمکی' نعرے کے ساتھ بیداری مہم کا آغاز کیا ہے۔

ڈی ایم ڈاکٹر چندرشیکھر سنگھ نے بتایا کہ کے چمکی بخار سے نمٹنے کے لیے ضلع انتظامیہ نے بیداری مہم شروع کردی ہے۔

ڈی ایم ڈاکٹر چندرشیکھر سنگھ نے کہا کہ اس بار ضلع انتظامیہ چمکی سے لڑنے کے لئے نئی اسکیموں پر کام کر رہی ہے۔

انہوں نے کہا کہ متاثرہ دیہات میں تھری وہیلر یا فور وہیلر گاڑیوں کی دستیابی کو یقینی بنایا جائے گا۔ یہ گاڑیاں عوامی نمائند وں کے پاس یا پھر گاؤں میں موجود آنگن واڑی مراکز میں رکھی جائیں گی۔

انہوں نے کہا کہ ضرورت کے پیش نظر ان گاڑیوں کو بچوں کو ہسپتال لے جانے کے لیے استعمال کی جائیں گی۔

واضح رہے کہ' گزشتہ برس بھی ضلع میں چمکی بخار نے شدید ہنگامہ کھڑا کیا تھا۔ بہت سے بچے اس بخار کی وجہ سے اپنی زندگی سے ہاتھ دھو بیٹھے تھے۔