چمپارن: بیتیا میں 8 لوگوں کی مشکوک حالت میں موت

بہار کے مغربی چمپارن کے بیتیا میں گزشتہ 15 دنوں کے اندر 8 لوگوں کی موت مشکوک حالت میں ہوئی ہے، جس سے علاقے میں سنسنی پھیل گئی ہے۔

بہار کے مغربی چمپارن بیتیا میں گزشتہ 15 دنوں کے اندر مشکوک حالت میں 8 لوگوں کی موت ہوئی ہے۔ لوریا تھانہ حلقہ کے دیو راج دیوروا، بگہی اور جوگیا گاوٗں میں الگ الگ جگہوں پر لوگوں کی جانیں چلی گئی ہیں۔ سبھی کی آخری رسومات ادا کی جا چکی ہیں۔

ان لوگوں کی موت زہریلی شراب سے ہوئی ہے یا کسی دیگر وجہ سے، اس کا انکشاف اب تک نہیں ہو پایا ہے۔ لیکن منشیات کے استعمال سے ان سب کی موت ہونے کا خدشہ ظاہر کیا جا رہا ہے۔

فی الحال اس بارے میں انتظامیہ نے موت کی وجوہات کی تصدیق نہیں کی ہے اور نہ ہی گاوٗں کے لوگ اس پر کچھ بھی بولنے کو تیار ہیں۔ اس سے پورے علاقے مین سنسنی پھیل گئی ہے۔

یہ اموات مشکوک حالت میں ہوئی ہیں۔ اس لیے اس پر کچھ نہیں کہا جا سکتا ہے۔

اسی سال اپریل ماہ میں بہار کے نوادہ میں زہریلی شراب سے 17 لوگوں کی موت ہوگئی تھی۔