گلی کے باہر لوگوں نے لگایا نو انٹری بورڈ

اتر پردیش کے ضلع مظفر نگر کے کوتوالی تھانہ حلقہ کے تحت محلہ لدھا والا میں محلے کے لوگوں نے لاک ڈاؤن کے پیش نظر گلی کے باہر نو انٹری کا بورڈ لگا دیا ہے۔

اترپردیش کے ضلع مظفرنگر کے تھانہ کوتوالی حلقہ کے تحت محلہ لدھا والا میں محلے کے لوگوں نے لاک ڈاؤن کے پیش نظر گلی کے باہر نو انٹری کا بورڈ لگا دیا ہے۔

محلے کے لوگوں کا کہنا ہے کہ ہمیں وزیراعظم نریندر مودی کی اپیل کو پوری طرح ماننا چاہئے اور کورونا وائرس سے تحفظ کے لئے صرف یہی ایک راستہ ہے کہ ہم لاک ڈاؤن پر مکمل طور پر عمل کریں۔

سابق وارڈ کونسلر نوشاد انصاری نے کہا کہ اس وبا سے تحفظ کے لئے حکومت اور انتظامیہ بہت کام کر رہا ہے۔ ہمیں بھی اپنا تعاون دینا چاہئے۔ لاک ڈاؤن نافذ کرانا صرف پولیس کا ہی کام نہیں بلکہ ہماری بھی کچھ ذمہ داری بنتی ہے۔ ہم لوگوں کو بیدار کریں اور اپنے علاقے میں کسی باہری لوگوں کے داخلے پر پابندی لگا دیں تو اس مرض سے چھٹکارا مل سکتا ہے۔