کورونا وائرس کے خدشے کے پیش نظر اترپردیش کے ضلع مظفر نگر پولس نےایک نمبر جاری کر لوگوں کو اپنی شکایتوں کو واٹس ایپ کرنے کی اپیل کر ہے۔
مظفر نگر ضلع پولس کی اس پہل کے بعد کوئی بھی اپنی شکایت لکھ کر 9690112112 نمبر پر واٹس ایپ کر سکتا ہے۔
مظفر نگر کے سینئر پولیس سپریٹنڈنٹ ابھیشیک یادو نے بتایا کہ ضلع کے کسی شخص کی کوئی پریشانی، شکایت ہے اور وہ اسے کسی افسریا پولیس اسٹیشن تک پہنچانا چاہتے ہیں تو اب انہیں تھانے یا کسی افسر کے دفتر جانے کی ضرورت نہیں ہے بلکہ پولس کی جانب سے جاری کردہ ہیلپ لائن نمبر 9690112112 پر اپنی درخواست لکھ کر اس کی ایک تصویر واٹس ایپ کر دیں۔ ایسے میں لوگوں کے ذریعہ کی جانے والی کمپلین پر فوری کاروائی کی جائے گی۔
پولس افسر نے بتایا کہ اس کمپلین کی کاپی کو متعلقہ تھانہ یا افسر تک بھیج کر اس پر کاروای کو یقینی بنایا جائے گا۔
سینئر پولس سپریٹنڈنٹ نے اس نمبر کے علاوہ دیگر اعلیٰ پولس افسروں کا نمبر جاری کرتے ہوئے کہا کہ اگر یہ نمبر کام نہ کرے تو لوگ متعقلہ افسر کو ان کے نمبروں پر بھی واٹس ایپ کر سکتے ہیں۔