مظفرنگر: بجلی محکمہ کے باہر احتجاجی مظاہرہ

مظفرنگر میں بھارتیہ کسان یونین کی جانب سے محکمہ بجلی کے باہر زبردست مظاہرہ کیا، بھارتیہ کسان یونین کے قومی ترجمان چودھری راکیش ٹیکیت نے کہا کہ' بجلی کے میٹر بہت تیزی سے چل رہے ہیں، دیہاتی علاقوں میں محکمہ بجلی کا شتکاروں کے کھیتوں پر میٹر لگانے کی تیاری کر رہے ہیں

ریاست اتر پردیش کے ضلع مظفر نگر میں بھارتیہ کسان یونین کے قومی ترجمان چودھری راکیش ٹیکیت کی سربراہی میں سینکڑوں کسانوں نے بجلی محکمے کے باہر زبردست مظاہرہ کیا۔

بھارتیہ کسان یونین کے قومی ترجمان راکیش ٹکیت نے بتایا کہ' بجلی کی پریشانیوں کے سبب آج بجلی محکمے کے ایس سی دفتر کے باہر ہم مظاہرہ کر رہے ہیں۔ اُنہوں نے بتایا کہ' بجلی کے میٹر بہت تیزی سے چل رہے ہیں، دیہاتی علاقوں میں محکمہ بجلی کاشتکاروں کے کھیتوں پر میٹر لگانے کی تیاری کر رہے ہیں۔

انہوں نے کہا کہ' پنجاب میں بجلی مفت ہے، ابھی تک بجلی محکمہ بدعنوانی کے معاملے میں تمام محکموں میں پہلے نمبر پر ہے، محکمہ بجلی کی جانب سے کسانوں پر مقدمے درج کرائے جا رہے ہیں، جب تک کہ ہمارے مسائل حل نہیں ہو تے۔ تب تک یہ مظاہرہ جاری رہے گا۔