اساتذہ کی بھرتی واپس لینے سے متعلق ضلع انتظامیہ کو میمورنڈم

آزاد سماج پارٹی کے مطابق اتر پردیش میں 69 ہزار اساتذہ بھرتی میں 15000 دلت پسماندہ امیدواروں کو نظر انداز کر کے جرنل کیٹیگری کے امیدواروں کو بھرتی کیا گیا ہے۔

ضلع مظفر نگر کے کلیکٹریٹ کے احاطے میں آزاد سماج پارٹی کے درجنوں کارکنان اور عہدے داروں نے ضلع نائب صدر بھوپیندر عریاں کی سربراہی میں ریاست میں 69 ہزار اساتذہ بھرتی واپس لینے سے متعلق ایک میمورنڈم ملک کے صدر کے نام ضلع انتظامیہ کو پیش کیا۔

آزاد سماج پارٹی مظفر نگر کے نائب صدر بھوپیندر عریا نے مزید معلومات دیتے ہوئے بتایا کی آزاد سماج پارٹی کے قومی صدر چندرشیکھر کی کال پر ریاست کے سبھی اضلاع میں اتر پردیش میں 69 ہزار اساتذہ بھرتی میں 15000 دلت اور پسماندہ امیدواروں کو نظر انداز کر کے جرنل کیٹیگری کے امیدواروں کو بھرتی کیا گیا ہے۔ اس کے خلاف ہم نے آج ایک میمورنڈم ملک کے صدر کے نام ضلع انتظامیہ کو پیش کیا ہے۔

انہوں نے کہا کی اگر ہمارے مطالبات تسلیم نہیں کیے گئے تو آزاد سماج پارٹی تمام ہیڈکوارٹرز کو بند کرنے کا کام کرے گی اور سڑکوں پر اتر کر زبردست احتجاجی مظاہرہ کرے گی۔

آزاد سماج پارٹی دلت پسماندہ امیدواروں کے ساتھ کندھے سے کندھا ملا کر کھڑی ہے اور ان کو نقصان نہیں ہونے دے گی۔