بی ایس پی رہنما و کارکنان نے کیک کاٹا

بہوجن سماج پارٹی کی صدر مایاوتی کی 64 ویں یوم پیدائش کے موقع پر بی ایس پی کارکنان نے بی ایس پی آفس میں کیک کاٹ کر ان کی سالگرہ منائی۔

ریاست اتر پردیش کے ضلع مظفر نگر میں بہوجن سماج پارٹی کے مہاویر چوک کے دفتر میں بی ایس پی کی قومی صدر اور اترپردیش کی سابق وزیر اعلی مایاوتی کی 64 ویں سالگرہ بڑے پیمانے پر منائی گئی۔
اس موقع پر پارٹی رہنماوں اور کارکنوں نے بہن جی کی لمبی عمر کے لیے نیک خواہشات کا اظہار کیا۔ انھوں نے اس یقین کا اظہارکیا کہ مایاوتی2022 میں ریاست اتر پردیش کی دوبارہ وزیر اعلی منتخب ہوں گی۔

اس دوران بی ایس پی کے ضلع صدر پریم چند گوتم نے بتایا کہ بہوجن سماج پارٹی کی قومی صدر بہن کماری مایاوتی کا یوم پیدائش جوش و خروش کے ساتھ منایا گیا۔

اس موقع پر انھوں نے عہد لیا ہے کہ آنے والے 2022 کے انتخابات میں بھائی چارے کے ساتھ جیت حاصل کریں گے،اور بہن مایاوتی کو اترپردیش کی وزیر اعلی بنائیں گے اور ان کی ہدایت پر کام کریں گے۔
اس موقع پر بی ایس پی دفتر میں کثیر تعداد میں کارکنان موجود رہے۔