مظفرنگر: انکاؤنٹر میں پانچ بدمعاش گرفتار

ریاست اتر پردیش کے ضلع مظفر نگر میں پولیس اور شرپسندوں کے مابین انکاؤنٹر میں پولیس نے پانچ بدمعاش کو گرفتار کیا اور اسلحہ بھی برآمد کیا ہے۔

مظفرنگر کے سینئر سپرانٹنڈنٹ آف پولیس ابھیشیک یادو کے زیر انتظام ملزمین کے خلاف مہم میں آج دن نکلتے ہی میرا پور پولیس کو ایک بڑی کامیابی اس وقت ملی جب میرا پور پولیس کا پانچ شاطر شرپسندوں سے انکاؤنٹر ہوا۔ بتایا جاتا ہے کہ یہ بدمعاش میرا پور کے قطب پور روڈ پر چیکنگ کے دوران لوٹ کی واردات کو انجام دینے جا رہے تھے۔

تصادم کے دوران تین شرپسندوں کی ٹانگ میں گولی لگی جبکہ دو بھاگنے والے شرپسندوں کو پولیس نے گرفتار کر لیا۔ اس کے علاوہ دو شرپسند فرار ہو گئے۔

پکڑے گئے شرپسندوں کے نام ذیشان عرف رضوان، اسلام الدین ولد مستقیم، امجد ولد بابو، نعمان ولد اکرم اور فیضان ولد الیاس بتایا گیا ہے۔

شرپسندوں کے قبضے سے پولیس نے تین بائک، دو تمنچے اور کارتوس برآمد کیے۔ پکڑے گئے شرپسند شاطر ہیں۔ یہ لوگ لوٹ اور گئی دیگر وارداتوں کو انجام دے چکے تھے۔ پکڑے گئے شرپسندوں پر دیگر تھنا میں مقدمات درج ہیں۔ زخمی شرپسندوں کو علاج کے لئے ہسپتال بھیجا گیا ہے۔