ریاست اُترپردیش کے ضلع مظفر نگر کے ضلع ہسپتال کے بلڈ بینک میں بھارتی کسان یونین کے ضلعی صدر محمد شاہ عالم کی سربراہی میں درجنوں کارکنان و عہدیداران نے شہید فوجیوں کی یاد میں خون عطیہ کیمپ کا انعقاد کیا۔
خون عطیہ کے دوران، کورونا وائرس کے سبب سماجی دوری کا مکمل طور پر خیال رکھا گیا۔ خون عطیہ کیمپ کے دوران سی ایم ایس پنکج اگروال مہمان خصوصی طور پر شامل رہے۔
انہوں نے تنظیم کے اس کام کو سراہتے ہوئے کہا کہ ہمیں خون کا عطیہ کرتے رہنا چاہئے،کیونکہ ہماری ا س کوشش سے کسی کی جان بچ سکتی ہے۔
اس دوران ضلعی صدر محمد شاہ عالم نے کہا کہ چین نے بھارتی فوجیوں کے ساتھ غلط برتاؤ کیا ہم اس واقعے کی پرزور مذمت کرتے ہیں۔انہوں نے ہمارے 20 فوجیوں کو دھوکہ دہی سے ہلاک کیا، ہمارے فوجی ان کی شہادت کا بدلہ ضرور لیں گے۔
بھارتیہ کسان یونین امباواتا کے درجنوں عہدیدار و کارکنان نے ہلاک فوجیوں کی یاد میں خون عطیہ کیا۔