مظفر نگر پولیس اور بدمعاش کے مابین تصادم میں انعامی بدمعاش زخمی

ریاست اترپردیش کے ضلع مظفر نگر میں ایس ایس پی ابھیشیک یادو کے ذریعے بدمعاشوں کے خلاف چلائی جا رہی مہم میں آج اس وقت کامیابی حاصل ہوئی جب 25000 روپے کا انعامی مجرم پولیس کی گولی سے زخمی ہو گیا۔

ریاست اترپردیش کے ضلع مظفر نگر میں ایس ایس پی ابھیشیک یادو کے ذریعے بدمعاشوں کے خلاف چلائی جا رہی مہم میں آج اس وقت کامیابی حاصل ہوئی جب پولیس نے شہر کوتوالی علاقے کے روحانہ سے چھپآر جانے والے راستے پر موٹر سائیکل سوار بدمعاش کو رکنے کا اشارہ کیا تو بدمعاش نے جنگل کے راستے بھاگنے کی ناکام کوشش کی۔

پولیس نے بدمعاش کا محاصرہ کرتے ہوئے پیچھا کیا۔ پولیس اور بدمعاش کے مابین ہوئے تصادم میں پولیس کی گولی سے پچیس ہزار کا انعامی بدمعاش زخمی ہوگیا، جس کو علاج کے لیے ضلع ہسپتال میں داخل کرایا گیا ہے۔

تصادم میں انعامی بدمعاش زخمی

پکڑا گیا بدمعاش ایک شاطر قسم کا مجرم ہے جو کئی معاملوں میں مطلوب چل رہا تھا۔ پکڑا گیا بدمعاش مظفرنگر کے سول لائن علاقے کا ہی رہائشی ہے، جس کے اوپر 25000 کا انعام ہے۔

تصادم میں انعامی بدمعاش زخمی

پکڑے گئے بدمعاش کے اوپر قتل، چوری جیسی کئی سنگین دفعات میں ایک درجن سے زائد مقدمات درج ہیں۔ اس مجرم کی پولیس کو کافی روز سے تلاش تھی۔ پکڑے گئے بدمعاش کے پاس سے ایک تمنچہ، دو زندہ اور 2 مردہ کارتوس، 315 بور ایک موٹر سائیکل رونڈا برآمد ہوئی ہے۔