انصاف کےلیے خواتین کا کینڈل مارچ

خاتون ڈاکٹر کی جنسی زیادتی اور قتل کے بعد مرکزی حکومت کے "بیٹی بچاو بیٹی پڑھاو" کا نعرہ صرف ایک جملہ معلوم ہوتا ہے۔

ریاست مہاراشٹر کے شہر مالیگاؤں میں حیدرآبار کی ڈاکٹر خاتون کی جنسی زیادتی اور قتل معاملہ پر سابق مئیر طاہرہ شیخ رشید کی قیادت میں خواتین نے قدوائی روڈ سے لیکر شہیدوں کی یادگار اور امبیڈکر کے مجسمے تک کینڈل مارچ نکالا گیا۔

مالیگاؤں کی سابق میئر طاہرہ شیخ رشید نے کہا کہ تلنگانہ میں ٹی آر ایس اور ایم آئی ایم کی حکومت ہے لیکن مجلس کے قائدین اور اراکین اسمبلی نے اس معاملہ پر آواز بلند نہیں کی۔

موصوفہ نے مفتی محمد اسماعیل قاسمی کی بھی مذمت کی اور کہا کہ انھوں نے بھی اس معاملہ کو نظر انداز کیا۔

بھارت میں خواتین پر ہو رہے ہر طرح کے ظلم کے خلاف کانگریس مہیلا سمیتی آواز حق بلند کرتی رہے گی۔

خاتون ڈاکٹر کو انصاف نہیں ملا تو شہر کی خواتین آئندہ دنوں میں روڈ پر آکر ایک بڑے پیمانے پر احتجاج درج کراے گی۔