'کانگریس سے وابستگی، کسی بھی قسم کا پچھتاوا نہیں'

ارمیلا ماتونڈکر نے کہا کہ وہ عوامی اداکارہ تھیں اب عوامی رہنما بن کر عوام کے مسائل حل کرنا چاہتی ہیں۔

فلم اداکارہ سے سیاست میں قدم رکھنے والی حال ہی میں شیوسینا کی رکن قانون ساز کونسل نامزد ارمیلا ماتونڈکر نے آج ممبئی میں ماضی میں اپنی کانگریس سے وابستگی سے کسی بھی قسم کے پچھتاوے سے انکار کیا اور کہا کہ وہ کانگریس پارٹی اور اس کی قیادت کا بہت زیادہ احترام کرتی ہیں۔

میڈیا سے گفتگو کرتے ہوئے ماتونڈکر نے کہا کہ مہاراشٹرا کے وزیر اعلی ادھو ٹھاکرے کی سربراہی والی ریاستی مہا وکاس اگھاڑی (ایم وی اے) کی ایک سالہ کارکردگی "شاندار" رہی ہے اور کووڈ 19 اور قدرتی آفات کے دروران اس نے جو عوامی فلاح و بہبود کے اقدامات کئے تھے وہ قابل ستائش ہے۔

ارمیلا نے مزید کہا کہ وہ عوامی اداکارہ تھی اب عوامی رہنما بن کر عوام کے مسائل حل کرنا چاہتی ہیں۔

واضح رہے کہ ارمیلا نے ممبئی کے مضافات سے کانگریس پارٹی کے ٹکٹ پر گزشتہ لوک سبھا انتخابات میں قسمت آزمائی کی تھی لیکن انھیں بی جے پی سے شکست حاصل ہوئی تھی۔

(یو این آئی)