مرکزی وزیر نے راہل گاندھی کو کہا ’بیل‘

ریاست مہاراشٹر کے جالنہ کے بدنا پور میں جن آشیرواد یاترا کے موقع پر خطاب کرتے ہوئے مرکزی وزیر راؤ صاحب دانوے نے راہل گاندھی کو ’’سانڈ‘‘ اور ’’بیل‘‘ سے تعبیر کیا۔

مرکزی وزیر راؤ صاحب دانوے نے کانگریس پارٹی کی شدید نکتہ چینی کی، وہیں انہوں نے راہل گاندھی کو ’’بیل‘‘ اور ’’سانڈ‘‘ سے تعبیر کرکے ان کی تذلیل کی۔ مرکزی وزیر نے ان باتوں کا اظہار ریاست مہاراشٹر کے بدناپور، جالنہ میں جان آشیرواد یاترا کے موقع پر خطاب کے دوران کیا۔

راؤ صاحب دانوے نے راہل گاندھی کو ایک بیل سے تعبیر کیا اور کہا کہ ’’بھگوان کے نام پر جو بیل دان دیا جاتا ہے وہ بیل کسی کام کا نہیں رہتا ہے چاہے وہ دوسروں کے کھیتوں میں ہی کیوں نہ گھس جائے پھر بھی لوگ اسے کچھ نہیں کرتے۔‘‘

مرکزی وزیر راؤ صاحب دانوے کے بیان کے بعد کانگریس لیڈران نے کہا کہ ’’ملک میں کئی سارے معاملات ہیں جن کو لےکر عوام پریشان ہیں لیکن ان معاملات سے لوگوں کا دھیان ہٹانے کے لیے بی جے پی لیڈران اس طرح کے بیانات دے رہے ہیں‘‘

کانگریس لیڈر کا کہنا ہے کہ ’’جلد ہی راؤ صاحب دانوے کے منہ پر سفید رنگ لگایا جائے گا۔‘‘