سوائن فلو اور ڈینگو سے دو خواتین کی موت

ریاست مہاراشٹر کے ممبرا علاقے میں سوائن فلو سے ایک اور تھانے میں ڈینگو سے ایک خاتون کی موت ہو گئی۔

کانگریس پارٹی کا الزام ہے کہ یہ موتیں گندگی کی وجہ سے ہوئی ہیں۔ کانگریس کا الزام ہے کہ شہر بھر میں جگہ-جگہ برسات کے پانی، کچروں کے انبار ہونے سے بیماریا پھیل رہی ہیں۔

ان دونوں خواتین کی اموات کانگریس نے سخت احتجاج کرتے ہوئے انتطامیہ پر لاپرواہی برتنے کا الزام عائد کیا ہے۔

ذرائع کے مطابق دیوری پاڑی کوسہ میں رہنے والی دانستہ ادریس خان کی گذشتہ کچھ دنوں سے طبیعت خراب تھی۔ انہیں بخار، زکام جیسی تکلیف تھی۔ مختلف ڈاکٹروں سے دوا لینے کے بعد انھیں رحمانیہ ہسپتال لے جایا گیا جہاں ڈاکڑوں نے کسی بڑے یا سرکاری ہسپتال لے جانے کا مشورہ دیا۔

دانستہ کے شوہر نے بتایا کہ اس کے بعد انھیں کلوا اور پھر ممبئی کے کے ای ایم ہسپتال لے جایا گیا جہاں ان کے ٹیسٹ میں سوائن فلو مثبت پایا گیا۔ علاج چل رہا تھا کہ جمعہ کی شب دانستہ کا ہسپتال میں ہی انتقال ہو گیا۔

اس خبر سے علاقہ میں سنسنی پھیل گئی دانستہ کے شوہر نے بتایا کہ اس کی اہلیہ سے قبل ان کا دس ماہ کا بیٹا سردی بخار میں مبتلا تھا اور اس کے بعد ان کی اہلیہ کو بخار لاحق ہو گیا۔ لیکن ابتداء میں ایسا نہیں لگا کہ انھیں سوائن فلو یا کوئی بڑی بیماری ہے۔

مقامی لوگوں کا ماننا ہے کہ مقامی ذمہ داران صاف صفائی پر زرا بھی غور نہیں کر رہے اور نہ تو دوا کا چھڑکاؤ کرتے ہیں۔

ادھر تھانے میں ڈینگو کے سبب ایک لڑکی کی موت ہو گئی۔ اس کو لیکر آج ورتک نگرپر بھاگ سمیتی کے باہر کانگریس نے پلیٹ و تھالیاں بجا کر احتجاج کیا۔

کانگریس کے رہنماؤں نے الزام عائد کیا کہ شہر بھر میں برسات کے سبب پانی بھر گیا لیکن میونسپل انتظامیہ بے خبر ہے۔

کانگریس کے یوتھ پردیس سیکریٹری آشیش گیری کی قیادت میں کانگریس یوتھ کارکنان نے دوران احتجاج میونسپل کے خلاف جم کر نعرے بازی بھی کی۔

انھوں الزام عائد کیا کہ امسال نالے صفائی میںبڑے پیمانے پر خرد برد ہوا ہے جس کے سبب نشیبی علاقے زیر آب ہو گئے اور اب مہلک بیماریاں پھیل رہی ہیں اور ایک لڑکی کی موت ہو گئی ہے اس کا ذمہ دار کون ہوگا۔