مہاراشٹر میں نئے اتحاد کے خلاف عرضی داخل

مہاراشٹر میں انتخابات کے بعد این سی پی،کانگریس اور شیو سینا اتحاد کے خلاف سپریم کورٹ میں آج ایک عرضی داخل کی گئی۔

مہاراشٹر کے سریندر اندر بہادر سنگھ نامی شخص نے یہ عرضی دائر کی ہے۔ عرضی میں کہا گیا ہے کہ ریاست میں ووٹروں نے بی جے پی۔شیو سینا اتحاد کے لیے ووٹ دیا ہے اب الیکشن کے بعد کوئی دوسرے اتحاد کو حکومت بنانے کا موقع ووٹرز کے ساتھ غداری ہوگی۔

عرضی میں مطالبہ کیا گیا ہے کہ عدالت گورنر کو ہدایت دے کہ وہ این سی پی۔ کانگریس۔ شیو سینا اتحاد کو حکومت بنانے کے لیے مدعو نہ کرے۔