'بہار پولیس کی جانچ غیر قانونی ہے'

سشانت سنگھ راجپوت خودکشی کیس میں بہار پولیس اور ممبئی پولیس کے بیچ جنگ جاری ہے، اس جنگ کو مزید آگے بڑھاتے ہوئے بہار کے آئی پی ایس افسر ونے تیواری کو قرنطینہ میں بھیج دیا گیا ہے۔

کئی دنوں سے ممبئی پولیس نے بہار پولیس کے ساتھ جو رویہ اپنایا ہے وہ تشویشناک ہے، حالانکہ ممبئی پولیس کمشنر نے اس جانچ کو پروفیشنل جانچ کا حوالہ دیا ہے، پولیس کمشنر نے اس معاملے میں بات چیت کرنے کے لئے چنندہ میڈیا کو طلب کیا تھا۔

ممبئی پولیس کمشنر پرمبیر سنگھ نے بہار پولیس کے ذریعہ درج کئے گئے معاملے کے تعلق سے کہا کہ' انہوں نے کس قانون کے تحت معاملہ درج کیا ہے، یہ ہمیں پتا ہی نہیں لیکن جو جانکاری ہمیں ملی ہے اس میں ہمیں یہ ضرور پتا چلا ہے کہ واردات جہاں انجام دی جاتی ہے معاملہ وہیں درج کیا جاتا ہے۔ چونکہ واردات ممبئی میں ہوئی ہے اس لئے معاملہ درج کرنے اور اس میں جانچ کرنے کا حق صرف ممبئی پولیس کو ہے۔

سشانت سنگھ راجپوت کی خودکشی کے معاملے میں سشانت کے والد نے ممبئی پولیس کی جانچ پر سوالیہ نشان لگایا تھا۔

انھوں نے اس معاملے کی سی بی آئی جانچ کی مانگ کی تھی، لیکن ریاست کے وزیر داخلہ انیل دیشمکھ نے سی بی آئی جانچ کے تعلق سے صاف انکار کر دیا تھا اور کہا تھا کہ ممبئی پولیس اس معاملے کی جانچ کے لئے کافی ہے۔