شلپا شیٹی نے پی ایم ریلیف فنڈ میں 21 لاکھ کا عطیہ دیا

بالی وڈ اداکارہ شلپا شیٹی اور ان کے شوہر راج کندرا نے کورونا وائرس (کووڈ 19) سے نمٹنے کے لیے پی ایم ریلیف فنڈ میں 21 لاکھ روپے کا عطیہ دیا ہے۔

کورونا وبا کو شکست دینے کے لیے پوری دنیا میں جنگ لڑی جا رہی ہے۔ فلم انڈسٹری سے وابستہ کئی اہم شخصیات نے بھی اپنے عطیات کے ذریعے اس مہم میں حصہ لیا ہے۔ اب شلپا شٹی بھی اس فہرست میں شامل ہوگئی ہیں۔

شلپا شیٹی اور ان کے شوہر راج کندرا نے مل کر وزیر اعظم نریندر مودی کے ریلیف فنڈ میں 21 لاکھ روپے جمع کرائے ہیں۔

شلپا نے ٹویٹ میں لکھا کہ 'بحیثیت انسان، ہمارا ملک اور ساتھی شہریوں کو جنہیں ہماری ضرورت ہے۔ اب وقت آگیا ہے، آئیے ہم اپنا کام کریں۔ میں اور راج کندرا وزیر اعظم راحت فنڈ میں 21 لاکھ روپے دینے کا عہد کرتے ہیں۔ سمندر میں ہر قطرہ اہم ہے لہذا میں آپ سب سے گزارش کرتی ہوں کہ اس صورتحال سے لڑنے میں مدد کریں۔'