ہندی میں لکھے گئے اپنے ٹویٹر پیغام میں سنجے راؤت نے کہا کہ 'ہوا کو گمان تھا اپنی آزادی پر، کسی نے اسے بھی غبارے میں بھر کر بیچ دیا' 'جئے مہاراشٹر'۔
سیاسی حلقوں کا کہنا ہے کہ سنجے راؤت کا یہ ٹویٹر پیغام مہاراشٹر کے سابق وزیر اعلیٰ دیویندر فڑنویس پر کیا جانے والا تنقیدی پیغام ہے اور اس میں ان کے گزشتہ چار دنوں کے لئے وزیر اعلی کی کرسی کے سنبھالنے کی جانب اشارہ کیا گیا ہے جس کے تعلق سے گزشتہ کل کرناٹک کے بی جے پی کے رکن پارلیمنٹ آنند کمار ہیگڑے نے فڑنویس پر یہ الزام عائد کیا تھا کہ’ گزشتہ ماہ فڑنویس چار دنوں کے لیے مہاراشٹر کے وزیر اعلی بنائے گئے تھے۔ اس وقت انہوں نے مرکزی حکومت کی جانب سے مہاراشٹر کو ملنے والی 40 ہزار کروڑ کے فنڈ کو واپس کر دیا گیا تھا۔‘‘