پولیس نے لاک ڈاون کے دوران ببویواڑی علاقے میں صبح کے وقت چہل قدمی کرنے کے لیے گھر سے نکلنے والوں کو سڑک پر یوگا اور ورزش کرنے کو کہا۔
پولیس کے ذریعے شیئر کیے گئے ایک ویڈیو میں 50 سے زائد افراد قطار میں نظر آ رہے ہیں جو سوریہ نمسکار اور جمپنگ ایکسرسائز کر رہے ہیں۔
دیگر ایک ویڈیو میں کونڈھوا پولیس نے لاک ڈاون کی خلاف ورزی کرنے پر لوگوں کو سِٹ اَپ اور ورزش کرنے کا حکم دیا۔
یہ کوئی پہلا واقعہ نہیں ہے کہ جب پولیس نے انوکھے طریقے سے لوگوں کو یہ پیغام دینے کی کوشش کی کہ وہ لاک ڈاون کے دوران گھر میں رہیں۔
قبل ازیں امرتسر پولیس نے لاک ڈاون کی خلاف ورزی کرنے پر لوگوں کو سڑکوں کے کنارے پر ہاتھ اوپر اٹھا کر کھڑے رہنے کا حکم دیا۔ اس کے ساتھ ہی انہیں یہ نعرے بھی لگانے کو کہا گیا کہ وہ اپنے گھر سے باہر نہیں نکلیں گے۔