ممبئی: داؤد ابراہیم کی جائیداد کا جائزہ

ممبئی کے ای ٹی وی بھارت کے نمائندے شاہد انصاری نے داؤد ابراہیم کی پراپرٹی کے حالات کا جائزہ لیا اور یہاں کے مکین فضل محمود سے بھی بات چیت کی۔

مہاراشٹر کے سابق وزیراعلی دیوندر فڑنویس نے موجودہ حکومت پر الزام لگایا ہے کہ حکومت نے اداکارہ کنگنا رناؤت کی آفس پر انہدامی کارروائی کر رہی ہے جبکہ داؤد ابراہیم کی پراپرٹی پر کارروائی نہیں کر رہی ہے۔

ای ٹی وی بھارت نے فڈنویس کے اس بیان کے بعد اس علاقے کا جائزہ لیا جہاں داؤد ابراہیم کی زندگی کے اہم حصے گزرے۔ جرم کی دنیا میں قدم رکھنے سے پہلے داؤد انہیں علاقوں میں رہتا تھا۔ ای ٹی وی نے ممبئی کے پکھوڑیا اسٹیٹ میں واقع اس گھر کا بھی جائزہ لیا جہاں بطور مکین اس کے والدین رہتے تھے۔

یہاں آنے کے بعد پتا چلا کہ یہ وقف کی ملکیت ہے اور اس کے لئے یہاں کے مکین قانونی لڑائی لڑ رہے ہیں۔ ای ٹی وی بھارت نے پہلے بھی یہاں کے مکینوں کی آواز اٹھائی ہے، لیکن جب بات داؤد کی آئی تو ای ٹی وی بھارت نے حقیقت سے پردہ اٹھانے کی کوشش کی۔

ممبئی کے ای ٹی وی بھارت کے نمائندے شاہد انصاری نے یہاں کے حالات کا جائزہ لیا اور یہاں کے مکین فضل محمود سے بھی بات چیت کی۔