ناگپور میں 33 فیصد دفاتر بند رہیں گے

ناگپور میونسپل کمشنر تکارام منڈے نے کہا کہ 'کورونا وائرس کی روک تھام کے لیے نافذ لاک ڈاون کے دوران کنٹینمینٹ زون کے باہر کے علاقوں میں بھی 33 فیصد دفاتر بند رہیں گے۔'

پورے ملک سمیت ناگپور شہر میں لاک ڈاون کی میعاد میں 17 مئی تک توسیع کی گئی ہے۔ اس کے ساتھ ہی کنٹینمینٹ زون کے باہر کے علاقوں میں بھی 33 فیصد دفاتر بند رہیں گے۔ حالانکہ تمام ضروری خدمات بحال رہیں گی۔ 3 مئی تک جو پابندی تھی وہ اب 17 مئی تک برقرار رہے گی۔'

واضح رہے کہ وزیر اعظم نریندر مودی نے کورونا وائرس کی روک تھام کے لیے 24 مارچ سے 21 روز کے لیے ملک گیر سطح پر لاک ڈاون کرنے کا اعلان کیا تھا اور اب لاک ڈاون کی میعاد میں دوسری بار توسیع کی گئی ہے۔