'مسلمانوں کو خوفزدہ ہونے کی ضرورت نہیں'

جنوبی ممبئی کے مسلم اکثریتی علاقے بھنڈی بازارمیں کھتری جماعت خانہ ہال میں بی جے پی امیدواروں کی انتخابی مہم کا آغاز کرتے ہوئے مختار عباس نقوی نے کہا کہ 'مسلمانوں کے آبادواجداد یہیں سے تعلق رکھتے ہیں اور مسلمانوں کو یہاں سے کوئی نکال نہیں سکتا ہے'۔

مرکزی وزیر برائے اقلیتی امور و حج مختار عباس نقوی نے کہا کہ 'این آر سی مسئلے کو لے کر مسلمانوں کو خوفزدہ ہونے کی کوئی ضرورت نہیں، کیونکہ این آرسی قانون صرف غیرملکیوں کے خلاف ہے'۔
جبکہ مسلمان اس ملک میں صدیوں سے آباد ہیں اور ان کے آبادواجداد بھی یہیں سے تعلق رکھتے ہیں۔

جنوبی ممبئی کے مسلم اکثریتی علاقے بھنڈی بازارمیں کھتری جماعت خانہ ہال میں بی جے پی امیدواروں کی انتخابی مہم کا آغاز کرتے ہوئے مختار عباس نقوی نے کہا کہ' مسلمانوں کے آبادواجدادیہیں سے تعلق رکھتے ہیں اور مسلمانوں کو یہاں سے کوئی نکال نہیں سکتا ہے'۔

این آر سی کا قانون ان لوگوں کے خلاف ہے، جن کے پاس بھارت کی شہریت کا کوئی ثبوت نہیں ہے اور نہ ہی ان کا اس ملک سے کوئی تعلق رہا ہے۔

واضح رہے کہ اس جلسہ سے بی جے پی ترجمان اتل شاہ اور مقامی لیڈرشکیل قاضی اور دیگر نے بھی خطاب کیا۔

انہوں نے کسی سیاسی پارٹی کا نام لئے بغیر کہا کہ 'چند سیاسی پارٹیاں اس معاملہ میں اقلیتی فرقے کو گمراہ کررہی ہیں اورنقوی نے وزیراعظم نریندرمودی کے 'سب کا ساتھ سب کا وکاس' جیسے نعرہ کا حوالہ دیا جس کے تحت سبھی ترقی کی راہ پر گامزن ہیں'۔