ممبئی ٹریفک پولیس ماڈرن ٹیکنالوجی والی بائکس سے سرفراز

ممبئی پولیس کو شہر میں لا اینڈ آرڈر کو یقینی بنانے کے لیے 10 ماڈرن موٹر سائکلس سے نوازا گیا ہے۔

سوزوکی موٹر سائکل کمپنی کی جانب سے ممبئی ٹریفک پولیس کو 10 نئی موٹر سائکلس دی گئی ہیں، یہ سبھی موٹر سائکلس سُوزوکی کمپنی کی جانب سے بنائی گئی ہیں۔

اس بارے میں مزید جانکاری دیتے ہوئے ممبئی ٹریفک پولیس کے ڈی سی پی رنجن کمار نے کہا 'ممبئی میں ٹریفک کو کنٹرول کرنے کے لئے اب سوزوکی موٹر سائکل کمپنی نے ماڈرن ٹیکنالوجی سے لیس 10 موٹر سائیکل ممبئی ٹریفک پولیس کو سنوپی ہیں'۔

انہوں نے کہا 'عام موٹرسائکلس جیسی دکھائی دینے والی ان موٹر سائیکلس کی خاصیت یہ ہے کہ ان میں ہینڈ سیٹ مائیک، سائرن جیسی چیزیں نسب کی گئی ہیں'۔

ان موٹر سائکلوں کو اہلکاروں کےساتھ ممبئی میں 10 مختلف مقامات پر معمور کیا جائے گا۔ تاکہ سڑکوں پر ٹریفک جام کم ہوسکے۔

ان جدید ترین ٹیکنالوجی سے لیس موٹر سائکلس کی مدد سے شہر میں ٹریفک کلیئر کی جائے گی، ایمبولینس کو راستہ دیا جائے گا اور پولیس اور فائر عملہ کی گاڑیوں کی آمدورفت میں آسانی کی جائے گی۔

اسکے علاوہ روز مرہ کی شکایتیں خاص کر سوشل سائٹس پر جو شکایتیں موصل ہونگی انھیں حل کرنے میں ان موٹر سائکلس کی مدد لی جائے گی۔