ممبئی: 'سینیئر آئی پی ایس افسر کے انڈر ورلڈ سے مراسم کا انکشاف'

گینگسٹر اعجاز لکڑا والا ممبئی کی جیل میں قید ہیں۔ انہیں گذشتہ برس ممبئی پولیس نے گرفتار کیا تھا۔ گرفتاری کے بعد اعجاز لکڑا والا کا اقبالیہ بیان ریکارڈ کرایا تھا جسے ممبئی پولیس کے سینیر آئی پی ایس افسران کے سامنے درج کیا گیا۔

اعجاز لکڑا والا نے اپنے بیان میں اس وقت کے جوائنٹ سی پی لا اینڈ آرڈر دیوین بھارتی اور انڈر ورلڈ کے مراسم کا سنسنی خیز انکشاف کیا۔ معاملہ چونکہ ایک اعلیٰ افسر اور حکومت کے قریبی سے جڑا تھا۔ اس لئے اس وقت کے کمشنر اور جوائنٹ سی پی کرائم سنتوش رستوگی کی جانچ رپورٹ کو حکومت کے حوالے کر دیا گیا ہے۔

اپنی جانچ میں کمشنر نے یہ واضح کیا تھا کہ سینئر آئی پی ایس افسر دیوین بھارتی کے جرائم کی دنیا سے وابستہ افراد سے گہرے مراسم ہیں۔ ممبئی میں اعجاز لکڑا والا نے وصولی کی جن وارداتوں کو انجام دیا، ان میں بھارتی کا اہم رول رہا۔

ممبئی: 'سینیر آئی پی ایس افسر کے اندروورلڈ سے مراسم کا انکشاف'

ای ٹی وی بھارت کے پاس اس رپورٹ کی کاپی ہے، محکمہ پولیس کے اعلیٰ افسر اور انڈر ورلڈ کے ساتھ ساز باز کے تعلق سے سبکدوش ای سی پی راجندر تریویدی نے موجودہ حکومت سے اس بات کی شکایت کی ہے کہ ان کے خلاف قانونی کارروائی اب تک کیوں نہیں کی گئی۔

اس سے پہلے بھارتی پر شینا بورا قتل کے معاملہ میں یہ الزام عائد کیا گیا تھا کہ' انہوں نے شینا بورا قتل کے بعد پیٹر مکھرجی اور اندرانی کو موبائل لوکیشن کی غیر قانونی طریقے سے جانکاری دی تھی۔ بھارتی کا بیان کورٹ میں درج کیا گیا تھا، لیکن ان کے اثر و رسوخ کی وجہ سے جانچ ایجنسیوں نے ان کے خلاف کارروائی نہیں کی'۔

ای ٹی وی بھارت نے اس معاملے میں بھی دیوین بھارتی سے بات کرنے کی کوشش کی لیکن انہوں نے اس پر کسی طرح کا کوئی جواب نہیں دیا۔

بھارتی فی الحال مہاراشٹر اسٹیٹ سکیورٹی کارپوریشن میں بطور اے ڈی جی تعینات ہیں۔ دیوین بھارتی کا شمار بھارت کے ان چنندہ ایماندار اور فرض شناش افسروں میں ہوتا ہے جو محکمہ پولیس اور ملک کے لئے ہمہ وقت اپنی جان دینے کو تیار رہتے ہیں۔ لیکن اس بات سے بھی انکار نہیں کیا جاسکتا کہ دیوین بھارتی ہمیشہ تنازع کا شکار رہے۔