ممبئی : 36 لاکھ مالیت کے موبائل فون برآمد

ریاست مہاراشٹر کے دارالحکومت ممبئی سے متصل بھیونڈی کے ویر ہاوس سے چوری شدہ موبائل فون برآمد کیے گئے ہیں۔

گذشتہ دنوں بھیونڈی کے ویر ہاؤس سے چوری کیے گئے 36 لاکھ روپے مالیت کے موبائل فونز کو کلیان ریلوے پولیس نے برآمد کرنے کا دعوی کیا ہے، ساتھ ہی پولیس نامعلوم چوروں کی تلاشی شروع کردی ہے۔

ممبئی لوکل ٹرینز میں مسافروں سے لوٹ کی واردات سے پریشان عوام کی شکایت کے بعد کلیان جی آر پی پولیس کی ٹیم وٹھل واڈی میں تعینات تھی اسی درمیان پولیس ٹیم کی نظر چار نوجوانوں کے گروہ پر پڑی جو ہاتھ میں ایک بیگ لیے ہوئے تھے۔ جو وٹھل واڈی اشٹیشن کی طرف جارہے تھے۔ جب پولیس ٹیم نے انہیں روکنے کی کوشش کیا تو نامعلوم نوجوان بھاگنے لگے۔ اور بیگ کو پاس واقع جھاڑیوں میں پھینک کر تیزی سے فرار ہوگئے۔

پولیس نے جب بیگ کی تلاشی کی تو نوکیا کمپنی مہنگے 194 اینڈورائڈ فون برآمد ہوئے، ان برآمد ہونے والے موبائل فون کی مالیت تقریباً 35 لاکھ پچاسی ہزار روپے بتائی جارہی ہے۔ پولیس ٹیم کو تفتیش کے دوران معلوم ہوا کہ سبھی موبائل فون بھیونڈی کے ویرہاؤس سے نامعلوم چوروں نے چوری کیا تھا۔ جس کا مقدمہ بھی بھیونڈی کے نارپولی پولیس اشٹیشن میں درج ہے۔