ریاست مہاراشٹر کے شہر مالیگاؤں میں گرنا پل کے نیچے سے ایک شخص کی لاش برآمد ہوئی۔ اس تعلق سے سماج وادی پارٹی کے مقامی صدر شریف منصوری نے نمائندے ای ٹی وی بھارت کو بتایا کہ گزشتہ روز ایک 45 سالہ شخص نے گرنا پل سے کود کر خودکشی کرلی ہے۔انہوں نے بتایا کہ یہ شخص پہلے اپنی موٹر سائیکل کو پل کے کنارے پارک کیا اور اس کے بعد پل سے نیچے کود گیا۔جس کے سبب اس کی جائے وقوع پر ہی موت ہوگئی۔
شریف منصوری نے بتایا کہ ان کو اس حادثے کی اطلاع سوشل میڈیا کے ذریعے سے ملی تھی۔ کیونکہ اس شخص کے پل کے نیچے کود نے کے بعد اطراف کی بستیوں کے ساکن پارولوم مزدور بڑی تعداد میں جائے مقام پر پہنچ کر مہلوک شخص کی شناخت کرنے کی کوشش کررہے تھے۔تب سوشل میڈیا پر اس حادثے کی تصویر تیزی سے وئرال ہوئی۔ جسے دیکھنے کے بعد شریف منصوری کے ساتھ قلعہ پولیس بھی جائے حادثے پر پہنچ کر تحقیقات شروع کردی۔
اس کے بعد ایمبولینس کے ذریعے سے لاش کو سول ہسپتال روانہ کردیا گیا۔ جہاں پوسٹ مارٹم اور تمام قانونی تکمیل کے مکمل ہونے کے بعد لاش کو اہل خانہ کے حوالے کردیا گیا۔ شریف منصوری نے کہا کہ مرنے والے کی شناخت پرویز احمد نفیس احمد کی حیثیت سے کی گئی ہے جو رحمت آباد (مالیگاؤں) کا ساکن بتایا گیا ہے۔ اس معاملے میں قلعہ پولیس مزید تحقیقات کررہی ہے۔