کورونا وائرس: 'پالتو جانوروں کو الگ نہ چھوڑیں'

ریاست مہاراشٹر میں پالگھر ضلع انتظامیہ نے لوگوں سے اپیل کی ہے کہ وہ کورونا وائرس کے انفیکشن کے ڈر سے اپنے پالتو جانوروں کو الگ نہ چھوڑیں۔

ریاست مہاراشٹر میں پالگھر ضلع انتظامیہ نے لوگوں سے اپیل کی ہے کہ وہ کورونا وائرس کے انفیکشن کے ڈر سے اپنے پالتو جانوروں کو الگ نہ چھوڑیں۔

حکومت کی اپیل کے باوجود کئی لوگوں نے پالگھر میں اپنے پالتو جانوروں کو کھلا چھوڑ دیا ہے۔

اینیمل ہسبنڈری محکمہ کے ضلع ڈپٹی کمشنر ڈاکٹر پرشانت کامبلے نے بتایا کہ 'لوگوں کے ذریعے پالتو جانوروں کو الگ چھوڑ دینے سے وہ آوارہ جانوروں میں گھل مل گئے ہیں اور ان میں سے کئی بھوک سے مر رہے ہیں۔'

انہوں نے بعض لوگوں کی اس سوچ کو بے بنیاد قرار دیتے ہوئے کہا کہ 'پالتو جانوروں نے کورونا وائرس کا انفیکشن پھیلا دیا ہے۔'

انہوں نے کہا کہ 'یہ ان کے ذریعہ پھیل نہیں سکتا۔ سڑکوں پر چھوڑ دیے گئے جانوروں کے پاس کھانا، پانی اور رہائش نہیں ہے اور وہ بھوک سے مر رہے ہیں۔'

کامبلے نے سماجی تنظیموں اور جانوروں کے کارکنوں پر زور دیا کہ وہ ان جانوروں کو کھانا اور پانی فراہم کریں۔