کھڈسے کی ممبئی آمد، بی جے پی کے خلاف مہم چلانے کا اشارہ

بھارتیہ جنتا پارٹی کو الودع کہہ کر راشٹروادی کانگریس میں شمولیت اختیار کرنے والے سینئررہنما ایکناتھ کھڈسے اپنے آبائی وطن جلگاؤں پہنچے۔

اس موقع پر ان کی اہلیہ منڈا اور بیٹی روہنی کھڈسے ان کے ہمراہ تھیں۔ ممئبی ہیلی پیڈ پر ان کے حامیوں نے ان کا استقبال کیا اور حوصلہ افزائی کرتے ہوئے این سی پی کے جھنڈے لہرائے۔

مکتائی نگر میں میڈیا سے گفتگو کرتے ہوئے کھڈسے نے اپنی سابقہ ​​پارٹی پر نکتہ چینی کرتے ہوئے کہا کہ' بی جے پی کے بہت سے رکن پارلیمان' ان کے رابطے میں ہیں، لیکن دَل بدلی قانون کی زد میں آنے کے خوف سے وہ کھلے عام سامنے نہیں آ رہے ہیں'۔

نیز مناسب وقت پر وہ ان کے ہمراہ دکھائی دیں گے، انہوں نے مزید کہا کہ بی جے پی کے متعدد سابق رکن اسمبلی، متعدد ضلعی انچارجز، ​​کوآپریٹیو بینک کے ڈائریکٹرز، پارٹی کارکنان و حمایتی جمعہ کی سہ پہر جب وہ این سی پی میں شامل ہوں گے تو یہ تمام افراد ان کے ہمراہ ہوں گے۔