ذرائع کے مطابق ممبئی میں سب سے زیادہ 44 کیسز سامنے آنے سے یہاں متاثرین کی تعداد 686 ہوگئی ہے اور اب تک یہاں اموات کی تعداد 40 بتائی جارہی ہے۔
بدھ کو پونے میں کورونا کے 9 معاملے سامنے آئے جس سے کورونا متاثرین کی تعداد137سے بڑھ کر 146ہو گئی اور ابھی تک یہاں 4 مریضوں کی موت ہو چکی ہے۔
محکمہ صحت کے مطابق نئے کیسوں میں سے 44 ممبئی، نو پونے، چار ناگپور اور احمد نگر، آکولہ و بلڈھانہ کے ایک ایک ہیں۔
محکمہ کے مطابق آج 60 افراد کی کورونا وائرس کی ٹیسٹ رپورٹ مثبت آئی ہے جس کے بعد مہاراشٹر میں کورونا وائرس سے متاثر ہونے والے افراد کی مجموعی تعداد 1078 ہو گئی ہے۔
ریاست میں کورونا وائرس سے اب تک 64 افراد کی موت ہوئی ہے۔