مہاراشٹر: کابینی وزیر کورونا پازیٹیو

مہاراشٹر کے کابینی وزیر اسلم شیخ کورونا وائرس مثبت پائے گئے ہیں۔

ریاستی وزیر اسلم شیخ نے اپنے ٹویٹر اکاؤنٹ پر اس بات کی اطلاع دی کہ وہ کورونا وائرس سے متاثر ہیں۔

اسلم شیخ نے ٹویٹ کیا کہ 'میں کووڈ۔19 مثبت پایا گیا ہوں۔ فی الحال میں نے اپنے آپ کو الگ تھلگ کر لیا ہے نیز میری ان تمام لوگوں سے گزارش ہے جو مجھ سے رابطے میں آئے تھے وہ اپنی جانچ کروائیں۔'

اسلم شیخ ٹویٹر

انہوں نے مزید لکھا کہ 'میں اپنی ریاست کے لوگوں کی خدمت کے لیے گھر سے کام کرتا رہوں گا۔'

واضح رہے کہ اسلم شیخ مختلف کابینی وزراء اور اعلی سرکاری حکام کے ساتھ مختلف مواقع کے دوران رابطے میں آئے ہیں۔

اسلم شیخ سے قبل ریاست کے دیگر کابینی وزراء جتندر اوہاڑ، اشوک چوان اور دھننجے منڈے بھی کورونا مثبت پائے گئے تھے۔