مہاراشٹر: لاک ڈاون کی خلاف ورزی کرنے پر کارروائی

کورونا وائرس کی مہلک وبا کی روک تھام کے لیے ملک میں لاک ڈاون جاری ہے۔ اس دوران لاک ڈاون کی خلاف ورزی کرنے پر ہزاروں کیسز رجسٹرڈ کیے گئے ہیں۔

مہاراشٹر کے وزارت داخلہ نے ایک پریس ریلیز کے ذریعے اطلاع فراہم کی کہ کورونا وائرس کی مہلک وبا کی روک تھام کے لیے ملک میں لاک ڈاون نافذ کرنے کے بعد 22 مارچ سے اب تک تعزیرات ہند کی دفعہ 188 کے تحت 95 ہزار کیسز رجسٹرڈ کیے گئے ہیں اور 18 ہزار افراد کو گرفتار کیا گیا ہے۔

اس کے علاوہ 53071 گاڑیوں کو ضبط کرنے کے ساتھ ساتھ تقریباً 3 کروڑ روپے جرمانے کے طور پر وصول کیے گئے ہیں۔

وزارت داخلہ کے مطابق دو لاکھ دو لاکھ افراد کو کورنٹائن کیا گیا جن میں سے 642 افراد نے کورنٹائن کی خلاف ورزی کی ہے۔

دریں اثنا پولیس ہیلپ لائن نمبر 100 پر کووڈ 19 سے متعلق فون کالز میں اضافہ ہوا ہے۔ تقریباً اس طرح کے 84945 کالز موصول ہوئے ہیں۔

مہاراشٹر میں کورونا وائرس کے اب تک 15 ہزار کیسز رپورٹ ہوئے ہیں۔

مرکزی وزارت برائے صحت کے مطابق ملک بھر میں کووڈ 19 کے کل مریضوں کی تعداد 49391 ہوگئی ہے اور ان میں سے 1694 افراد کی موت ہوئی ہے۔