ہر برس بی ایم سی اس طرح کی کارروائی مہم جاری کرتی ہے، باوجود اس کے ممبئی میں غیر قانونی ہاکرس کی تعداد میں روز برزو اضافہ ہوتا نظر آرہا ہے۔دیکھیں یہ رپورٹ
ہزاروں ہاتھ ٹھیلوں پر چلی جے سے بی وسیع و عریض علاقے میں پھیلا ہوا یہ ممبئی کا وڈالا علاقہ ہے، جہاں بی ایم سی نے غیر قانونی طریقے سے کاروبار کرنے والے ہاکرس کے ضبط کیے ٹھیلوں کو جمع کرتی ہے۔ 4 ہزار سے زائد غیر قانونی ٹھیلوں کو اکٹھا کرنے کے بعد اب اسے بی ایم سی کے افسران جے سی بی مشین کا استعمال کر کے اسے غیر مستعمل بنانے کی کوشش کر رہی ہے۔ تاکہ غیر قانونی طریقے سے کاروبار کرنے والے ہاکرس اس کا دوبارہ استعمال نہ کر سکیں۔
بی ایم سی افسران اس کارروائی کے پیچھے کی وجہ یہ بتاتے ہیں کہ اس کارروائی کے بعد ممبئی کی سڑکوں پر غیر قانونی طریقے سے جو ہاکرس کاروبار کرتے ہیں، اس میں کمی آ سکے۔ اس کارروائی کے بعد محکمہ بی ایم سی ممبئی کے ان سارے پھیری والے اور ہاکرس کو باقاعدہ لائسنس مہیا کرے گی۔ تاکہ ممبئی کی عوام کو غیر قانونی طریقے سے کاروبار کرنے والوں سے چھٹکارہ مل سکے کیونکہ انکی وجہ سے راستے پوری طرح سے بند ہو جاتے ہیں اور کچھ دنوں کے بعد اس پر انکا غیر قانونی قبضہ بھی ہو جاتا ہے۔
دراصل محکمہ بی ایم سی 16 برس سے 26 نومبر کے دوران ممبئی میں غیر قانونی ٹھیلے والے ہاکرس کے خلاف کارروائی مہم چھیڈ رکھی ہے، جس کے بعد اب تک 4291 غیر قانونی ٹھیلے ضبط کئے گئے ہیں۔
حالانکہ بی ایم سی اس بات کا دعوہ کررہی ہے کہ انہوں نے جس طرح سے کارروائی کی مہم جاری کی ہے بالکل اسی طرز پر انہیں قانونی دائرے میں لانے کی بھی کوشش کر رہی ہے۔ ایسے میں یہ دیکھنے والی بات ہوگی کہ بی ایم سی کی اس تجویز پر ہاکرس یا خود بی ایم سی کے افسران کتنا عمل کرتے ہیں۔
