اورنگ آباد میں آج دو مریضوں کی جانچ رپورٹ مثبت آنے کے بعد یہاں اب مصدقہ مریضوں کی تعداد 40 پر پہنچ چکی ہے جو قابل تشویش ہے۔
ان 40 مریضوں میں سے 5 لقمہ اجل بن چکے ہیں جبکہ 16 افراد صحتیاب ہو چکے ہیں اور 19 مریض زیر علاج ہیں۔
مراٹھواڑہ میں کورونا وائرس کے مریضوں کی تعداد میں اضافہ - مراٹھواڑہ
ریاست مہاراشٹر کے ضلع مراٹھواڑہ میں کورونا وائرس کے مریضوں کی تعداد میں اضافہ ہوتا جا رہا ہے جس سے لوگوں میں تشویش کی لہر ہے۔
corona virus
اب تک محفوظ ضلع ناندیڑ میں بھی 65 سالہ بزرگ کی رپورٹ مثبت پائی گئی جس کے بعد یہاں تشویش کی لہر دوڑ گئی اور اس شخص سے ربط میں آئے ہوئے 50 افراد کو قرنطینہ میں رکھا گیا ہے جبکہ 75 ہزار افراد کا سروے کیا جائے گا۔
اورنگ آباد ڈویژن کے آٹھوں اضلاع میں اب مصدقہ مریضوں کی تعداد 62 ہو چکی ہے جن میں اورنگ آباد میں 40، جالنہ میں 2، پربھنی میں ایک، ہنگولی میں 7، ناندیڑ میں ایک، لاتور میں 8 اور عثمان آباد میں 3 شامل ہیں۔ ان میں سے 27 مریضوں کو صحتیاب ہونے کے بعد اسپتالوں سے چھٹی دے دی گئی ہے۔