اورنگ آباد: بڑھتی ہوئی مہنگائی سے پریشان معذوروں کا دھرنا

ریاست مہاراشٹر کے اورنگ آباد میں کانگریس وکلانگ سیل کی قیادت میں معذوروں نے بڑھتی ہوئی پٹرول، ڈیزل اور رسوئی گیس کی قیمتوں کو لے کر دھرنا دیا۔ ان معذوروں کا کہنا ہے کہ ان کو پچھلے چھ مہینے سے کوئی سرکاری امداد نہیں ملی ہے۔ کورونا اور بڑھتی ہوئی مہنگائی سے معذور افراد پریشان ہیں۔

اورنگ آباد ڈیویژنل کمشنر آفس کے روبرو معذور افراد نے بڑھتی مہنگائی کے خلاف دھرنا دیا۔ کانگریس وکلانگ سیل کی قیادت میں دیئے گئے اس دھرنے میں معذور افراد نے مرکزی اور ریاستی حکومت پر الزام عائد کیا کہ حکومتیں محض اعلانات کررہی ہیں جب کہ پچھلے چھ مہینے سے معذور افراد کو امداد کے نام پر ایک پیسہ بھی نہیں ملا ہے۔

بڑھتی ہوئی مہنگائی سے پریشان معذوروں کا دھرنا

معذور افراد نے انھیں ملنے والی امداد فوری ادا کرنے کا مطالبہ کیا ان کا کہنا ہی کہ سرکاری امداد بند ہوجانے سے وہ کافی دشواریوں کا سامنا کررہے ہیں۔

کانگریس وکلانگ سیل نے سنجے گاندھی پینشن اسکیم کو ایک ہزار سے بڑھاکر تین ہزار روپے کرنے کا بھی مطالبہ کیا ہے۔