ناندیڑ: پولیس اور مظاہرین میں تصادم، 18 افراد گرفتار

ناندیڑ پولیس کے مطابق ناندیڑ گردوارہ کے باہر پولیس اہلکاروں پر حملہ اور توڑ پھوڑ کے معاملے میں اب تک 18 افراد کو گرفتار کیا گیا ہے۔ فسادات اور قتل کی کوشش کے الزامات کے تحت 200 ملزمان کے خلاف مقدمہ درج کیا گیا ہے۔

ریاست مہاراشٹر کے ضلع ناندیڑ میں پولیس اور مظاہرین کے درمیان تصادم میں چار پولیس اہلکار زخمی ہوئے ہیں۔ پولیس کے مطابق مظاہرین نے پولیس پر حملہ کیا اور پولیس کی گاڑیوں کو بھی نقصان پہنچایا۔ اس حملے میں چار پولیس اہلکار زخمی ہوئے ہیں۔

ناندیڑ میں کورونا کے بڑھتے کیسز کی وجہ سے مقامی انتظامیہ نے پابندی لگا رکھی تھی۔ اس کے باوجود سکھ سماج کے افراد 'ہولا محلہ' پروگرام کرنا چاہتے تھے۔ 'ہولا محلہ' پروگرام روکنے کے لیے پولیس ناندیڑ کے ایک گردوارہ کے پاس بیریکیڈ لگا رکھی تھی لیکن مظاہرین نے بیریکیڈگ کو توڑ دیا۔ پولیس اہلکار سیکڑوں کی بھیڑ اور تلوار سے لیس لوگوں کے آگے بے بس نظر آئے۔

پولیس کے مطابق مظاہرین نے پولیس پر حملہ کیا ہے۔ پولیس کی گاڑیوں کو بھی نقصان پہنچایا۔ اس حملے میں چار پولیس اہلکار زخمی ہوئے۔

ایس پی ناندیڑ کمار شیوالے کا کہنا ہے کہ بھیڑ نے بیریکیڈ کو توڑ دیا۔ انہوں نے مزید کہا کہ گردوارہ کمیٹی نے کہا تھا کہ گردوارہ کے اندر تقریب کا انعقاد کریں گے لیکن چار بجے کے آس پاس 'نشان صاحب' لگایا گیا۔ وہ پولیس ملازمین کے ساتھ بحث کرنے لگے۔ 300 سے 400 کے قریب نوجوانوں نے بیریکیڈ توڑ دیا اور باہر مظاہرہ کرنے لگے۔

اس تعلق سے ایک ویڈیو وائرل ہو رہا ہے جس میں نوجوان تلوار لہراتے نظر آ رہے ہیں۔ بھیڑ گردوارے سے باہر آ گئی۔ مظاہرین نے پولیس بیریکیڈگ توڑ دیا، گاڑیوں پر بھی حملہ کیا۔