مہاراشٹرکے سابق وزیراعلی فڈنویس کورونا مثبت

مہاراشٹر کے سابق وزیر اعلی اور حالیہ اپوزیشن لیڈر دیویندر فڑنویس کووڈ 19 مثبت پائے گئے ہیں۔ انہوں نے ایک ٹویٹ میں کہا کہ انہوں نے کووڈ 19 کا ٹیسٹ کرایا جس میں وہ مثبت پائے گئے ہیں۔ وہ ابھی بی جے پی کے بہار انتخابات کے انچارج ہیں۔

بہار کے انتخابات سے پہلے، فڑنویس کو وہاں کے اسمبلی انتخابات کے لیے بی جے پی کا انچارج مقرر کیا گیا تھا۔
فڑنویس نے ٹویٹ کیا کہ "لاک ڈاؤن کے بعد سے میں ہر ایک دن کام کر رہا ہوں لیکن اب ایسا لگتا ہے کہ گاڈ چاہتا ہے کہ میں تھوڑی دیر کے لیے رکوں اور آرام کروں! میں ٹیسٹ کے بعد کورونا مثبت پایا گیا ہوں اور آئسولیشن میں ہوں۔"

انہوں نے مزید کہا "ڈاکٹروں کے مشورے کے مطابق تمام دوائیں اور علاج ہو رہی ہے۔
مہاراشٹر کے سابق وزیر اعلی نے ایک مشورہ دیا کہ جتنے لوگ حال کے دنوں میں میرے رابطے میں آئے ہیں، سبھی اپنا کووڈ ٹیسٹ کرا لیں۔