نیا انکشاف: آتش بازی سے کورونا کے پھیلنے کا خدشہ

آواز فاؤنڈیشن کی صدر سمیرہ عبد العلی نے متعدد پٹاخوں کی جانچ کرنے کے بعد یہ انکشاف کیا ہے کہ پٹاخے صوتی اور فضائی آلودگی کے ساتھ ساتھ کورونا جیسی مہلک بیماری کو پھیلانے میں معاون ثابت ہوسکتے ہیں۔

دیوالی کے موقع بڑے پیمانے آتش بازی کی جاتی ہے لیکن کیا آپ جانتے ہیں کہ پٹاخوں میں صوتی آلودگی کے ساتھ ساتھ فضائی آلودگی بھی ہوتی ہے اور یہ کورونا جیسی مہلک بیماری کو پھیلنے میں مدد کرتی ہے یہ انکشاف آواز فاؤنڈیشن کی صدر سمیرہ عبد العلی نے کیا ہے۔

آواز فاؤنڈیشن کی صدر سمیرہ عبدالعلی نے دیوالی یا دوسری تقریبات کے موقع پر استعمال کیے جانے والے متعدد پٹاخوں کی جانچ کی ہے، جس کے بعد یہ انکشاف کیا ہے کہ پٹاخوں میں استعمال ہونے والے کیمیکل جو نہ صرف فضا کو آلودہ کرتے ہیں بلکہ کورونا جیسی مہلک بیماری کو پھیلانے میں معاون بھی ثابت ہوسکتے ہیں۔

سمیرہ عبد العلی کا کہنا ہے کہ عوام کی صحت کا خیال رکھتے ہوئے تقریبات کے موقع پر ایکو فرینڈلی طرز پر خوشیاں منائی جائیں، اس لیے وہ حکومت سے مطالبہ کرتی ہیں کہ اس دیوالی میں کورونا وبا اور لوگوں کی صحت کا خیال رکھتے ہوئے آتش بازی پر پابندی عائد کی جائے۔

ممبئی پولیس فضائی آلودگی کے پیش نظر ہر برس لوگوں سے دیوالی پر اپیل کرتی ہے کہ وہ دیے روشن کریں، لیکن پولیس کی اپیل کا اثر بہت ہی کم ہوتا ہے، لیکن اب سنسنی خیز انکشافات کے بعد کورونا جیسی مہلک بیماری کے پیش نظر عوام کو آتش بازی سے پرہیز کرنا چاہیے۔