ممبئی کے ملنڈ علاقے میں ڈور ٹو ڈور ویکسینیشن ڈرائیو کا آغاز

ملک میں کورونا ویکسین حاصل کرنے کے لئے ہر سو ہجوم ہے۔ اس ہجوم کے ساتھ ساتھ عوام کو بڑی دقتوں کا سامنا کرنا پڑ رہا ہے۔ آن لائن رجسٹریشن کے باوجود عوام کو ویکسین نہیں مل پا رہی ہے اور اب تو یہ حالت ہے کہ متعدد مراکز میں تالا لگ چکا ہے لیکن ممبئی کے ملنڈ علاقے میں ڈور ٹو ڈور ویکسنیشن کا آغاز ہو چکا ہے۔

اس مہم کی شروعات کرنے سے قبل یہاں کے لوگوں نے مہناگر کارپوریشن سے اس کی جازت مانگی ہے۔ مقامی رکن پارلیمنٹ منوج کوٹک نے ملنڈ کے ہی فورٹس ہسپتال کے ساتھ مل کر گولڈن ولو نام کی اس سوسائٹی کے مکینوں کو ویکسین فراہم کر رہے ہیں۔

داراصل سوسائٹی کے لوگ ویکسین کے لیے گذشتہ کئی مہینوں سے ویکسین مرکز اور بی ایم سی دفاتر کے چکر کاٹ رہے تھے۔

حالانکہ آن لائن بکنگ کے بعد ان لوگوں تک ویکسین نہیں پہنچ سکی۔ مختلف جگہوں پر لوگوں نے لمبی قطار کی صعوبتیں جھیلیں لیکن اب جب ان کے دروازے پر ہی یہ ساری خدمات مل رہی ہیں تو انہیں یقین نہیں ہو رہا۔

اگر اسی طرز پر ملک کے الگ ریاستوں میں یہ تدبیر اپنائی جائے تو یہ مہم کافی کارگر ثابت ہوگی اور عوام کو لمبی قطار اور انتظار سے راحت ملے گی۔