ممبئی میں ایک مشہور نیوز چینل کے صحافی کی کورونا جانچ رپورٹ مثبت آنے پر ان کے ساتھ کام کرنے والے دیگر میڈیا کے نمائندوں کو کورونا انفیکشن کا خظرہ بتایا جا رہا ہے۔ اس معلومات کے ملنے پر وزیر تجارت سبھاش دیسائی نے ممبئی کارپوریشن کے کمشنر پروین پردیسی سے رابطہ کرتے ہوئے تمام ہی میڈیا سے جڑے افراد کی کورونا وائرس سے انفیکشن کی جانچ کرنے کی ہدایت جاری کی ہے۔
'میڈیا کے نمائندوں کی بھی کووڈ 19 کی جانچ کی جائے' - میڈیا
مہاراشٹر کے وزیر تجارت سبھاش دیسائی نے ممبئی کے میونسپل کمشنر پروین پردیسی کو میڈیا سے وابستہ افراد کی کووڈ 19 کی جانچ کرانے کی ہدایت دی ہے۔
covid 19
واضح رہے کہ میڈیا کے نمائندے رات دن کام کرتے ہوئے عوام تک خبریں پہنچانے کا کام کررہے ہیں۔ ان کا یہ کام کافی پر خطر بھی ہے۔ اسلئے انہیں مشورہ دیتے ہوئے وزیر تجارت سبھاش دیسائی نے کہا کہ 'بے شک آپ تمام ان حالات میں اپنی زندگی کو خطرے میں ڈالتے ہوئے کام کر رہے ہیں مگر اپنے کام کے دوران اپنی صحت کا بھی دھیان رکھیں۔ بے شک انہیں ہر جگہ پہنچ کر خبریں مہیا کرنا ضروری ہے، اس لئے ضروری ہے کہ آپ بیمار نہ ہوں اس کا بھی احتیاط کریں۔
اس کے ساتھ ہی انہوں نے محکمہ اطلاعات و نشریات کے زیر اثر کام کرنے والے تمام ہی میڈیا کے لوگوں کی جانچ کی منصوبہ بندی کرنے کے احکامات بھی محکمہ اطلاعات و نشریات کے ڈائریکٹر کو دیے ہیں۔